ਕਾਠਮੰਡੂ, 16 ਮਈ:- ਇਕ ਮੀਡੀਆ ਰਿਪੋਰਟ ਦੇ ਅਨੁਸਾਰ ਦੁਨੀਆ ਦੀ ਸਭ ਤੋਂ ਉੱਚੀ ਚੋਟੀ ਦੇ ਸਿਖਰਲੇ ਬਿੰਦੂ ਤੋਂ ਉਤਰਦੇ ਸਮੇਂ ਸਿਹਤ ਸਮੱਸਿਆ (ਉਚਾਈ ਦੀ ਬਿਮਾਰੀ ਦੇ ਲੱਛਣ) ਆਉਣ ਤੋਂ ਬਾਅਦ ਇਕ 45 ਸਾਲਾ ਭਾਰਤੀ ਪਰਬਤਾਰੋਹੀ ਦੀ ਮਾਊਂਟ ਐਵਰੈਸਟ ’ਤੇ ਮੌਤ ਹੋ ਗਈ। ਮ੍ਰਿਤਕ ਪਰਬਤਾਰੋਹੀ ਦੀ ਪਹਿਚਾਣ ਪੱਛਮੀ ਬੰਗਾਲ ਦੇ ਸੁਬਰਤ ਘੋਸ਼ ਵਜੋਂ ਹੋਈ ਹੈ। ਦ ਹਿਮਾਲੀਅਨ ਟਾਈਮਜ਼ ਅਖਬਾਰ ਦੀ ਰਿਪੋਰਟ ਅਨੁਸਾਰ ਘੋਸ਼ ਇਸ ਸੀਜ਼ਨ ਦੌਰਾਨ 8,848.86 ਮੀਟਰ ਉੱਚੇ ਮਾਊਂਟ ਐਵਰੈਸਟ ’ਤੇ ਮਰਨ ਵਾਲਾ ਦੂਜਾ ਵਿਦੇਸ਼ੀ ਹੈ।
ਸਨੋਈ ਹੋਰਾਈਜ਼ਨ ਟਰੈਕਸ ਦੇ ਮੈਨੇਜਿੰਗ ਡਾਇਰੈਕਟਰ ਬੋਧਰਾਜ ਭੰਡਾਰੀ ਨੇ ਕਿਹਾ ਕਿ ਘੋਸ਼ ਦੀ ਮੌਤ ਸ਼ਨਿਚਰਵਾਰ ਨੂੰ ਮਾਊਂਟ ਐਵਰੈਸਟ ਦੇ ਸਿਖਰ ਬਿੰਦੂ ਦੇ ਨੇੜੇ ਹਿਲੇਰੀ ਸਟੈਪ ਦੇ ਬਿਲਕੁਲ ਹੇਠਾਂ ਹੋ ਗਈ। ਰਿਪੋਰਟ ਅਨੁਸਾਰ ਘੋਸ਼ ਸਿਖਰ ’ਤੇ ਪਹੁੰਚਣ ਵਿਚ ਲੇਟ ਸੀ ਅਤੇ ਦੁਪਹਿਰ 2 ਵਜੇ ਦੇ ਕਰੀਬ ਆਪਣੇ ਗਾਈਡ ਨਾਲ ਸਿਖਰ ’ਤੇ ਪਹੁੰਚ ਗਿਆ। ਭੰਡਾਰੀ ਨੇ ਆਪਣੇ ਗਾਈਡ ਚੰਪਾਲ ਤਮਾਂਗ ਦੇ ਹਵਾਲੇ ਨਾਲ ਕਿਹਾ ਉਤਰਨ ਦੌਰਾਨ ਉਹ ਘੋਸ਼ ਥੱਕ ਗਿਆ ਅਤੇ ਉਸ ਦੀ ਸਿਹਤ ’ਚ ਉਚਾਈ ਤੇ ਹੋਣ ਵਾਲੀਆਂ ਬਿਮਾਰੀਆਂ ਦੇ ਲੱਛਣ ਦਿਖਾਈ ਦਿੱਤੇ ਅੰਤ ਵਿਚ ਸਿਖਰ ਤੋਂ ਉਤਰਦੇ ਸਮੇਂ ਉਸ ਦੇ ਸਰੀਰ ਨੇ ਹਿਲਜੁਲ ਬੰਦ ਕਰ ਦਿੱਤੀ ਅਤੇ ਉਸਦੀ ਮੌਤ ਹੋ ਗਈ।
ਘੋਸ਼ ਕ੍ਰਿਸ਼ਨਾਨਗਰ-ਸਨੋਈ ਐਵਰੈਸਟ ਐਕਸਪੀਡੀਸ਼ਨ 2025 ਦੀ ਮਾਊਂਟੇਨੀਅਰਿੰਗ ਐਸੋਸੀਏਸ਼ਨ ਦਾ ਹਿੱਸਾ। ਅਧਿਕਾਰੀ ਨੇ ਦੱਸਿਆ ਕਿ ਉਸ ਦੀ ਲਾਸ਼ ਨੂੰ ਬੇਸ ਕੈਂਪ ਵਿੱਚ ਲਿਆਉਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। ਇਸ ਤੋਂ ਪਹਿਲਾਂ 14 ਮਈ ਨੂੰ ਫਿਲੀਪੀਨਜ਼ ਦੇ 45 ਸਾਲਾ ਫਿਲਿਪ II ਸੈਂਟੀਆਗੋ ਦੀ ਸਿਖਰ ’ਤੇ ਚੜ੍ਹਾਈ ਦੀ ਤਿਆਰੀ ਦੌਰਾਨ ਮੌਤ ਹੋ ਗਈ ਸੀ। ਹੁਣ ਤੱਕ ਇਸ ਸੀਜ਼ਨ ਵਿਚ 50 ਤੋਂ ਵੱਧ ਪਰਬਤਾਰੋਹੀ ਸਫਲਤਾਪੂਰਵਕ ਸਿਖਰ ’ਤੇ ਪਹੁੰਚ ਚੁੱਕੇ ਹਨ। 450 ਤੋਂ ਵੱਧ ਪਰਬਤਾਰੋਹੀਆਂ ਪਰਮਿਟ ਦਿੱਤੇ ਗਏ ਹਨ।
